Ганарымся землякамі
23 лістапада ў рамках мерапрыемстваў прысвечаных Году Кнігі, у актавай зале школы прайшло мерапрыемства з удзелам знакамітай паэтэсы Гродзеншчыны, старшынёй Гродзенскага абластнога аддзялення “Саюз пісьменнікаў Беларусі” Людмілай Кебіч і народным калектывам “Асалода” .
На сустрэчы прысутнічалі вучні трох школ Росі: СШ№1, СШ№2 і школы мастацтваў. Сустрэча праходзіла з мэтай пашырэння ролі кнігі, мастацкага слова ў жыцці кожнага з нас, а таксама развіцця і прапаганды беларускай літаратуры і культуры.
Людміла Антонаўна пазнаёміла прысутнічаючых са сваімі вершамі і літаратурнай дзейнасцю. У зале гучалі словы роднай беларускай мовы, чыталіся вершы ў выкананні самой паэткі. Непадкупны лірызм яе вершаў, прастата і яскравасць літаратурнага паэтычнага радка, які перадае асобы строй душы, яе ўзнёсласць і талент аўтара не пакінулі раўнадушнымі нікога з прысутных. Не з дарма многія з вершаў паэтэсы пакладзены на музыку нашымі гродзенскімі і беларускімі кампазітарамі. Некаторыя з гэтых песень прагучалі ў выкананні калектыва “Асалода”
У знак удзячнасці, з пажаданнямі новых творчых поспехаў і новых сустрэч з паэтэсай і яе творамі, слухачы паднеслі кветкі Людміле Антонаўне, а таксама, было зроблена сумеснае фота на памяць. Хай радкі нашай зямлячкі застануцца для нас абярэгам :
На беразе белай ракі,
што век свой імкнецца да мора,
жывіце, мае сваякі,
не ведайце чорнага гора.
